江西贛縣客家《月光光》：

邱冠英收集整理：

月光光，照南塘；南塘水，界平江；

平江流，到貢江；貢江水，連贛江；

贛江頭，進(jìn)鄱陽。鄱陽滿，出長江；

長江坦蕩蕩，浩浩入東洋。

沖掉龍王殿，沖掉東洋床。

淹死東洋鬼，浸死日本狼。

呵呵呵呵，哈哈哈哈！

發(fā)夢好做田，禾谷堆滿倉。

一顆谷，一顆谷，公雞聲聲咯，

一顆沙，一顆沙，母雞笑哈哈。

江西上猶客家《月光光》四首：

（一）

月光光，光索索。

捱跌苦來你快樂。吃又冇好吃，著又冇好著。

年年拼命做，總是住個(gè)爛屋殼。

再多學(xué)堂捱冇分，走出世來當(dāng)狗糞。

再嬌妻子冇錢討，害得窮人樣得老。

（二）

月光光，秀才郎；

騎白馬，過蓮塘；

蓮塘背，種韭菜；

韭菜花，結(jié)親家。

親家門口一口塘，蓄個(gè)鯉蟆八尺長；

鯉蟆背上承燈盞，鯉蟆肚里做學(xué)堂；

做個(gè)學(xué)堂四四方，掌牛賴子讀文章；

讀得文章馬又走，一走走到伯公坳。

伯公坳上討姑娘，討個(gè)姑娘矮篤篤；

煮個(gè)飯子香勃勃，討個(gè)姑娘高天天， 煮個(gè)飯子臭火煙。

（三）

月光光，照河上。

河來等，轎來扛。

扛嘛咯，扛花鞋。

扛到幾多雙，扛到十八雙，

奈雙好？雙雙好！

留到明年取太嫂，

太嫂歪，尋奶奶。

奶奶嗯得唅（閑），

告到紫陽太路坪。

（四）

月光光，照和尚，

和尚懶得去守廟，改行賣草帽，

草帽冇人貪，改行去挖嶺，

挖嶺又嫌苦，改行攆豬牯，

豬牯會踢人，改行學(xué)挪繩，

挪繩軟咪咪，改行去撐排，

撐排跌下河，改行學(xué)補(bǔ)籮，

補(bǔ)籮手出血，改行去打鐵，

打鐵墨墨烏，改行學(xué)殺豬，

殺豬唔干凈，改行學(xué)算命，

算命又算錯(cuò)，改行去推磨，

推磨又冇力，改行做油漆，

油漆腥死人，改行做裁縫，

裁縫針線差，改行推土車，

推土難上路，改行做豆腐，

豆腐硬篤篤，改行賣雜貨，

賣貨虧大本，改行賣薯粉，

薯粉結(jié)成板，改行去做傘，

做傘手藝粗，改行去教書，

教書冇興趣，改行學(xué)唱戲，

唱戲唱唔來，改行做棺材，

棺材埋哪個(gè)，埋了你爺埋你奶，

最后埋你小妖怪。